خانواڻي، روچيرام تيرٿداس: روچيرام تيرٿداس خانواڻيءَ جو جنم، 1 آڪٽوبر 1929ع تي حيدرآباد، سنڌ ۾ ٿيو. سندس ڀائر اڄ به ڪوٽڙي، سنڌ ۾ آباد آهن ۽ پاڻ الهاس نگر، هندستان ۾ رهندو آهي، وٽس هزارين سنڌي ڪتاب، سوين ڪلاڪارن، اديبن ۽ ليکڪن جا فوٽو تفصيل سوڌو ۽ صوبي وار فائيلن ۾ رکيل ۽ ڀتين تي لڳل آهن. هن جو دستور آهي ته هو ليکڪن کي سندن جنم ڏينهن تي کين واڌاين جا ڪارڊ موڪليندو آهي. سدائين سنڌي ويس ۾ ملبوس روچيرام هر سال سنڌي مضمون ۾ مئٽرڪ کان ڪاليج تائين پهرئين نمبر آيل شاگردن کي سندن گهر وڃي پنهنجي وت آهر روڪ رقم، سرٽيفڪيٽ، جهولي لعل جي مُورتي ۽ سٺي پين سوکڙي طور ڏئي ايندو آهي. روچيرام، اهڙن شاگردن جي استادن کي به نه وساريندو آهي. سٺو ادب دوست آهي. سنڌي ادب ۽ اديبن لاءِ وڏو چاهه اٿس. موسيقيءَ جو سٺو ذوق رکي ٿو.
1929.10.01 عيسوي
روچيرام تيرٿداس خانواڻيءَ جو جنم، 1 آڪٽوبر 1929ع تي حيدرآباد، سنڌ ۾ ٿيو.